Andijonda turkiy dunyo muzeylari rahbarlarining uchrashuvi boʻlib oʻtdi

Bu yilgi dastur turkiy dunyoning madaniy poytaxti sifatida Andijonga bagʻishlandi. Uchrashuvda Qirgʻiziston, Qozogʻiston, Turkmaniston, Turkiya va Ozarbayjon vakillari ishtirok etdi.

Kun tartibidan turkiy xalqlarning tarixiy-madaniy merosini asrash va ommalashtirish, milliy anʼanalarni targʻib qilish hamda muzeylar oʻrtasidagi aloqalarni rivojlantirish masalalari oʻrin oldi. Shuningdek, kasbiy tajriba almashish, fondlarni boyitish, eksponatlarni keng jamoatchilikka namoyish etish va muzey sohasi oldidagi dolzarb masalalar koʻrib chiqildi.