Toshkentda uchta tuman hokimi almashdi
Lazizbek Temirov Yangihayot tumaniga hokim boʻldi, Hayot Inogamov esa Chilonzor tumaniga oʻtmoqda, deb xabar berdi poytaxt hokimligi.
Lazizbek Pulatovich Temirov (1989-yilda tugʻilgan) 2012-yilda Toshkent davlat iqtisodiyot universitetini tamomlagan, 2021-yilda esa shu yerda magistr darajasini olgan. Tayinlovga qadar u Yashnobod tumani hokimining moliyaviy-iqtisodiy masalalar va kambagʻallikka qarshi kurash boʻyicha birinchi oʻrinbosari boʻlgan.
U bilan birga yana ikki tumanga yangi rahbarlar tayinlandi. Abdulaziz Abdulxakov Yashnobod tumani hokimi, Hayot Inogamov esa Chilonzor tumani hokimi boʻldi. Spot maʼlumotiga koʻra, Chilonzorning avvalgi hokimi Saidqahhor Xolxoʻjayev investitsiyalar, sanoat va savdo vazirining birinchi oʻrinbosari lavozimiga tayinlanishini kutmoqda.
