AQSh prezidenti Oʻzbekistonga kelishni istaydi — Marko Rubio
Vashington kelgusi yil davomida tashrifning ehtimoliy sanalarini ishlab chiqishni rejalashtirmoqda, Amerika kompaniyalari esa Oʻzbekiston bilan hamkorlikni kengaytirishdan manfaatdor.
Samarqandda tashrif bilan boʻlib turgan AQSh davlat kotibi Marko Rubio prezidentning safarlari jadvaliga izoh bera olmasligini aytdi. Shu bilan birga, u davlat rahbari bunday imkoniyat paydo boʻlsa, Oʻzbekistonga tashrif buyurishni istashini taʼkidladi.
Rubioning soʻzlariga koʻra, ikki tomonlama munosabatlar iqtisodiy imkoniyatlar va oʻzaro manfaatli hamkorlikka qaratilgan. U soʻnggi oʻn yilliklarda Markaziy Osiyo amerikalik siyosatchilar tomonidan yetarlicha eʼtibor olmaganini qoʻshimcha qildi.
Rubio, shuningdek, Oʻzbekiston iqtisodiyotini jadal rivojlanayotgan iqtisodiyot deb atadi va AQSh respublika bilan hamkorlikda bundan keyingi ishtirok etish imkoniyatlarini oʻrganishni rejalashtirayotganini maʼlum qildi.
