Oʻzbekiston Prezidenti Administratsiyasi rahbari Saida Mirziyoyeva Anqarada Turkiya prezidenti Rajab Tayyip bilan uchrashdi
Tashrif doirasida taʼlim sohasidagi hamkorlik, tajriba almashish va ikki davlatning qoʻshma texnologik tashabbuslari muhokama qilindi.
Anqarada uchrashuv ishtirokchilari ikki mamlakat oʻrtasidagi munosabatlarning holati va hamkorlikning keyingi yoʻnalishlarini koʻrib chiqdilar. Saida Mirziyoyeva Turkiya rahbariga Oʻzbekiston prezidenti Shavkat Mirziyoyevning ezgu tilaklarini yetkazdi, shuningdek, uning Oʻzbekistonga eʼtibori hamda ikki davlat xalqlari oʻrtasidagi aloqalarni qoʻllab-quvvatlagani uchun minnatdorlik bildirdi.
Istanbulda Saida Mirziyoyeva Nejmiddin Bilol Erdoʻgʻan hamrohligida Ibn Xaldun universiteti va Yenidogu maktabiga bordi. U yerda taʼlim berishda qoʻllaniladigan yondashuvlar, oʻquvchilarning qobiliyatlarini yuzaga chiqarish va mustaqil fikrlashni shakllantirish usullari bilan tanishdi.
Samolyotsozlik va mudofaa kompaniyasi Baykar maydonida unga texnologik ishlanmalar, jumladan, mudofaa sohasi uchun yechimlar namoyish etildi. Saida Mirziyoyeva Turkiya tajribasi Oʻzbekiston uchun qiziqish uygʻotishini va ikki mamlakat mutaxassislari oʻrtasida bilim almashish imkoniyati borligini taʼkidladi.
