Sony «Naruto» ekranlashtirilishiga qoʻshildi, film ishlab chiqarish 2027 yil bahorida boshlanadi
Sony Pictures filmni birgalikda moliyalashtiradi va uni AQShdan tashqarida tarqatadi. Lionsgate loyihani maʼqullab, film ishlab chiqarishni 2027 yil bahorida boshlashni belgiladi.
Lionsgate raqobat sharoitidagi muzokaralardan soʻng Sony bilan kelishuv tuzilganini eʼlon qildi. Sony xalqaro distribyutsiya bilan shugʻullanadi, Lionsgate esa filmni ishlab chiqish, ishlab chiqarish va ichki bozorda prokatga chiqarishni oʻzida qoldiradi.
Destin Daniel Cretton ssenariy yozadi, filmga rejissyorlik qiladi va uning prodyuseri boʻladi. Film Masashi Kishimotoning butun dunyoda mashhurlikka erishgan, anime seriali va koʻplab videooʻyinlarga asos boʻlgan «Naruto» kult mangasiga koʻra suratga olinadi. Iyul oyida Naruto, Saske va Sakura rollari uchun xalqaro aktyorlar qidiruvi boshlandi, biroq asosiy aktyorlar tarkibi hozircha tasdiqlanmagan. Mavjud maʼlumotlarga koʻra, Charlz Melton Kakashi rolini ijro etish boʻyicha muzokaralar olib bormoqda.
