Oʻzbekistonda 5 million tonnadan ortiq paxta yigʻib olindi

Fermerlarning paxta yetishtirishdan oladigan sof foydasi 13–14 trln soʻmni tashkil etishi kutilmoqda.

Soʻnggi yillarda ekin maydonlari 38 foizga qisqardi, oʻrtacha hosildorlik esa gektariga 21 sentnerdan 56 sentnergacha oshdi. Qariyb 70 ming gektar maydonda gektaridan 100–110 sentnerdan hosil olindi. Hosilning 85 foizi 30–35 kun ichida 3 mingdan ortiq mashina yordamida yigʻib olindi. Jizzax va Sirdaryo viloyatlarida terim toʻliq mexanizatsiyalashgan.

2027 yilda hokimiyat oʻrtacha hosildorlikni 65–70 sentnergacha oshirishni maqsad qilgan, jumladan, bunga yangi navlar, agrodronlar va suvni tejovchi texnologiyalar hisobiga erishish rejalashtirilmoqda.