Samarqandda choʻllarni oʻrganish boʻyicha ilmiy markaz tashkil etildi
Samarqand davlat universitetida Yaponiya Tottori universiteti bilan hamkorlikda Choʻllarni tadqiq etish markazi ochildi. Markaz Markaziy Osiyoning qurgʻoqchil hududlarini oʻrganish va qishloq xoʻjaligi uchun yechimlar ishlab chiqish bilan shugʻullanadi.
Markaz Sharof Rashidov nomidagi Samarqand davlat universiteti bazasida ish boshladi. Uning mutaxassislari Markaziy Osiyoning qurgʻoqchil hududlarini oʻrganadi, qishloq xoʻjaligi uchun ilmiy yechimlar ishlab chiqadi va zamonaviy texnologiyalarni joriy etadi.
Tadbirda Oliy Majlis, Yaponiya fan va texnologiyalar agentligi, Yaponiya xalqaro hamkorlik agentligi (JICA), shuningdek, Oʻzbekiston va Yaponiya ilmiy jamoatchiligi vakillari ishtirok etdi. Yalpi majlisda Markaziy Osiyoning qurgʻoqchil hududlari muammolari, xalqaro hamkorlik va ilmiy ishlanmalarni amaliyotda qoʻllash masalalari muhokama qilindi.
Tadbir davomida markazni tashkil etish toʻgʻrisidagi memorandum imzolandi. Taxmin qilinishicha, mazkur platforma innovatsion yechimlar ishlab chiqish, mutaxassislar tayyorlash hamda Oʻzbekiston va Markaziy Osiyoning boshqa mamlakatlaridagi qurgʻoqchil hududlarning barqaror rivojlanishiga koʻmaklashish bilan shugʻullanadi.
Marosimdan soʻng xorijlik ishtirokchilar Samarqand davlat universitetining ilmiy infratuzilmasi, jumladan, issiqxona va zoologiya muzeyi, shuningdek, muhandislik fizikasi, sunʼiy intellekt va raqamli texnologiyalar institutlari bilan tanishdi.
